Trening for kreftpasientar
Kreftpasientar får ofte redusert sin fysiske kapasitet på grunn av sjukdom og biverknader av behandling. Fysisk aktivitet kan hjelpe til med å betre livskvaliteten for denne pasientgruppa.
Tilrettelagt trening for den einskilde kreftpasient er viktig for å oppretthalda eller rehabilitera eit godt funksjonsnivå og helse. Mange pasientar har eit godt tilbod om trening på sjukehuset og fleire ynskjer å halde fram med trening etter avslutta sjukehusopphald. Likevel finst det i dag få tilbod utanfor sjukehusa der pasientar kan få kvalifiserte råd og rettleiing. Sogn Aktiv har utdanna kvalifisert personell for trening av denne pasientgruppa. Fysisk aktivitet kan oppretthalde og betre den fysiske forma, gi auka energi og overskot, førebygge seinskadar og andre sjukdommar som hjerte og karsjukdom, samt påverka livskvaliteten i positiv retning. Eit aukande tall studium, viser at kreftpasientar som dei fleste andre pasientgrupper har god nytte av å være i regelmessig fysisk aktivitet.
I treningsprogrammet vert det tilrettelagt for at det er ulike avgrensingar og føresetnader som kjem av sjukdomen og behandlinga. Det vert vist stor toleranse med tanke på at svært mange slit med ulike problem. Ved planlegging av treningsøktene er omtanke viktig og nivået vert lagt opp slik at kunden kan velje vanskegrad sjølv.
SA legg opp til at treningsøktene skal betre livskvaliteten og vere eit positivt innslag i kvardagen for denne pasientgruppa.